يوميات اتنين مخطوبين سارة وعمر (الحلقة الخامسة عشر)

الحلقة (الخامسة عشر)

سارة

(ادى اخرة اللى يسمع كلام العيال 00 معقول تلحق نجهز كل حاجة فى الكام يوم دول ؟ الله يسامحك يا سارة !!) هذه كانت عينة صغيرة من القذائف التى تنهال على رأسى كل دقيقة من أمى وابى بعد ما أقنعتهم بكل وسائل الزن والالحاح المعروفة عند البنات ان تكون حفلة خطوبتنا انا وعمر بعد اسبوعين ( يعنى أكسر كلام سى السيد ؟!!!) وبعد صاعقة المفاجأة التى هبطت على رأس أمى وأبى من الميعاد المفاجىء العيالى على حد وصفهم وبعد الزن المتواصل من جانبى وافقوا على مضض على ان تكون حفلة فى بيتنا على الضيق تجمع الأسرتين فقط 000وأعجبنى الحل ده جدا لأنى أصلا لا أحب حفلات الخطوبة فى الأماكن العامة لأن العروسين لا يكونوا يربطهم شىء وفى بداية التعارف 000 يبقى ليه بقى نفرج الدنيا كلها علينا مش يمكن ما يحصلش نصيب ؟؟؟

عمر

( الخطوبة فى البيت ؟ 000 ليه بقى ان شاء الله هو احنا عندنا كام عمر ؟ ما ينفعش الكلام ده ابدا !!!) هذه كانت عينة صغيرة من القنابل التى كانت تلقيها أمى على أذنى عندما علمت بموضوع حفلة الخطوبة المنزلية 000 ولما كنت لا أريد ان تتكرر مأساة الشبكة مرة أخرى 00 أخبرت أمى انى انا وسارة متفقين على هذا ولا داعى أبدا ان تفتح هذا الموضوع معهم 00 وبعد الحاح وزن كبير جدا وافقت على مضض مشيرة الى انى من دلوقتى ح امشى ورا كلام الست هانم !!! طبعا عملت نفسى مش سامع ولا عارف مين هى الست هانم المذكورة وربنا يستر !!

سارة

بجد انا مجنونة انى وافقت عمر طب هو ح يشترى بدلة فى نصف ساعة طب وانا ح اعمل ايه فى الفستان ؟ ده حدوتة كبيرة جدا

وللأسف لم اجد فى الجاهز شىء يناسبنى 00 بعد ما تطوعت صديقة مقاتلة لى ان تلف معى على المحلات وبعد 3 ايام متواصلة من اللف المتواصل وبعد ما اصابنا كساح وشلل رباعى من كتر المشى ]توصلنا الى نتيجة رائعة ان كل ملابس السواريهات الان مصممة للسباحة وليس للحفلات ما شاء الله كله عريان جدا جدا وكأن الطبيعى جدا ان البنات تلبس الكوارث دى !!! وكل ما كنت أسأل على شىء يصلح للمحجبات كانت البائعة تخرج لى شىء ملائم تماما لماما أو لحماتى العزيزة لكن شىء شبابى محتشم لاااااااااااااااااا يمكن لييييييييييه مااااااااااعرفش ؟!!

عمر

والله ويقيت عريس يا واد يا عمر !! قالها صديقى وانا اقيس البدلة الفاخرة التى اشتريتها بتحويشة العمر00وجدناها فورا المحل الذى اتعامل معه دوما 00 بس لسه الكرافتة قال البائع انها موجودة فى الدور التانى من المحل 00 ياااه لسه ح اطلع ده مفيش اسانسير 00 الظاهر الجواز ده كله ارهاااااااااااااااااااااااااق !!!!

سارة

(خلاص بقى كفاية عياط موتى نفسك يا بنتى خلاص فصلي الفستان ويارب صاحبة الاتيليية ترضى تخلصه بسرعة !!) قالتها لى ماما بعد ساعتين من الزن المتواصل وانا احكى لها رحلتى الفاشلة اليومية بين المحلات وقد تورمت اصابع قدمى واصبحت فى حجم الكورة الشراب 00 واكيد صديقتى ح تقطع علاقتها بى بعد العذاب اللى وريتهولها والكساح الذى أصابها 000 لا وح اتفرس انى اتصلت بعمر لقيته صاحى من النوم تعبان علشان نزل اشترى البدلة فى ساعة الا ربع !!! لا صحيح بجد الرجالة دول بيتعبوا !!!

عمر

انا مش عارف سارة مكبرة موضوع الفستان ليه ما أى حاجة وخلاص صحيح البنات دول فاضيين ورايقين اوى 000 وبعدين ح تفصله اخيرا وما رضيتش تقول لى لونه ايه علشان المفاجأة ربنا يستر ويليق على البدلة أحسن يبقى شكلنا اخر بيئة 000 بجد البنات دول عليهم تقاليع عجب !!!!!!!!

سارة

أمامى ألف مجلة أختار منها الموديل وفى الاخر رميت كل المجلات وأخرجت قلم وورقة وقعدت أرسم مليون تصميم وكلهم طلعوا وحشين جدا 000 ياربى ليه البنات على طول تعبانين فى كل حاجة من ا لصغيرة للكبيرة ؟ انا ح اسيب صاحبة الاتيليية تختار حاجة مناسبة لى وخلاص هو يعنى فرح الأميرة ديانا ؟؟؟؟ قلتها فى سرى وهى تجلس أمامى من عشر ساعات تنتظر اختيارى النهائى وهى ح تطق منى 000 وبعد طول عذاب منى اختارنا الموديا انا وهى وتنفست الصعداء وهى تكاد تطردنى من المحل وتقول بابتسامة طهقانة ( والفرح امتى ان شاء الله يا عروسة ؟) رديت وانا اكاد اجرى من أمامها من رد فعلها المتوقع ( بعد عشر ايام !!!) 0000000000 ايييييييييييييييييييييييييييييييييه مووووووووووووووووووش ممممممممممممكن ابداااااااااااااا

عمر

ح اضطر اسيب ذقنى ما احلقهاش اليومين دول ولا شعرى كمان واستحمل التريقة من اصحابى والعيلة عندنا 00 يالا اهو اااااااالواحد لازم يضحى ويتعب علشان يتجوز !!

سارة

خلصت كل انواع الماسكات والسنفرة والكريمات المعروفة والمجهولة واى واحدة تخبرنى عن وصفة للبشرة او الايدين اجربها فورا 00 واصبحت غرفتى مطبخ به اعاجيب الدنيا السبعتاشر من قشر خوخ 00بياض بيض 00جلسرين وليمون 00 زبادى وعسل واى شىء اجده فى التلاجة عند ماما انقض عليه فورا واجرى عليه تجاربى الجهنمية !! انا عاوزة اعرف كل االبنات بيتعذبوا العذاب ده ولا انا بس اللى لاسعة 00 بس كله يهون علشان خاطر عيونك يا عمر 000000000000

انتظروا الحلقة القادمة غدا....

الحلقة حلوة بس سؤال صغير :
هلق انتي عملتي هيك كمان متل سارة جاوبي بصراحة ههههههههههههههههههههه

هههههههههههه اى بنت يا عبودى بتعمل حاجات كتير وهى مخطوبة عشان تكون فى نظر خطيبها امورة

لكن انا بصراحة بطلع لكريم زى مانا عجبك على كدة اوك مش عجبك اوكى بردوة
وحشة حلوة انا كدة اخبى ليه وهو كدة كدة هيشوفنى بعد الزواج على حقيقتى ويرجع يقولى انا كنت خاطب واحدة تانية وانا اسمع ليه الكلمة دى هههههههههههههه
وميرسى على مرورك ليا يا عبودى وكل سنة وانت طيب

بعدين لو انتي مو متل القمر كان ما اخدك كريم وبعدين اختي متل القمر واحلى بكتيييييييييييير شو بدي قول

الله يخليلي ياكي ...........

ربنا يخليك يا عبودى تسلملى يا قمر

» يوميات اتنين مخطوبين سارة وعمر (الحلقة الخامسة)
» يوميات اتنين مخطوبين سارة وعمر (الحلقة الرابعة عشر)
» يوميات اتنين مخطوبين سارة وعمر (الحلقة السادسة عشر)
» يوميات اتنين مخطوبين سارة وعمر (الحلقة الاولى)
» يوميات اتنين مخطوبين سارة وعمر (الحلقة السابعة عشر)