الدعاء ده ممكن يكون سياسي اكتر منه ديني
بس مش مهم
ربنا يبعد عنك الأشرار .. ويجعل لك في كل خطوة دولار
ويبعد عنك أولاد الإيه .. ولا يخيبك خيبة الجنيه
ويجعل أعمالك كلها حسنات .. ويكفيك شر شهادة المخالفات
ويحوش عنك كل الشرور .. ويكفيك شر كمين المرور
ويكون لك دايماً في العون .. ويكفيك شر فاتورة التليفون
ويجعل لك كل الناس حبايب .. ويكفيك شر بتوع الضرايب
ولا يجعل عيالك محرومة .. ولا يخيبك خيبة الحكومة
ويجعل أصحابك كلهم إخلاص .. ويكفيك شر سواقين الميكروباص
ويحميك يابني من إبليس .. ويكفيك شر سواقين الجيش والبوليس
وينور لك طريقك بالبركات .. ويكفيك شر الحفر والمطبات
بدعيلك وبدعي لكل أولادي .. يكفيكم شر الركود الإقتصادي
ويكتر في جيوبكم النقدية .. ويرحمكم من شر الدروس الخصوصية
ولا يحرمكم من أكل الفول .. ولا يخرب بيتكم بفواتير المحمول
قادر يا كريم
الأحد 3 أغسطس - 16:34
